Алабуга нуры

Алабугада тагын вандаллык очраклары теркәлгән

Алабугалылар тирә-юньдәге матурлыкның кадерен белмиләр.

Узган атнада чәршәмбедән пәнҗешәмбегә каршы төндә бер төркем яшьләр 14нче Лада автомобилендә шәһәрнең Мәдәният сарае янына килгән һәм анда торган фонарьны йолкып алып киткәннәр. Шул ук вакытта бу урында яктылык булмаудан халык даими зарлана. 
Тәртип бозуның икенче очрагында бер ир-ат шундый гамәл кылган: «Чебурашка» паркыннан көн саен бер фонарь урлаган, аннары тимер-томырга тапшырган. Урлаганын бала арбасына салып алып чыккан. Балалар коляскасына ышыкланучы Панов фамилияле кеше булып чыккан, шул рәвешле ул 6 фонарь алып киткән. Аны күзәтү камерасы аркасында тоткарлаганнар.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: