Алабуга нуры

Казанда һәм Болгарда 20, 21 майда Идел буе Болгар дәүләтендә ислам динен кабул итүгә 1100 ел тулуга багышланган уникаль ут тамашасы күрсәтелә

Ут тамашасы 20:00дә башланып төнге сәгать 1гә кадәр дәвамм итәчәк.

Казанда ут тамашасын Казан Кремле диварлары янында күрергә мөмкин булачак.

Тамаша нигезенә татар халкына хас традицион ислам символлары һәм төп принциплары салынган. Шоу үзендә ислам дөньяга алып килгән яктылык идеясен алга сөрә. Шоу контентында Ибн-Фадланның тарихи язмалары, традицион татар шамаилләре, ярымай, яктылык һәм белем чыганагы буларак изге китап чагылдырылган.

20 һәм 21 майда тамашаны Болгардагы Ак мәчет стеналарында күрсәтәчәкләр. 

Тамаша 20: 00 сәгатьтә башлана һәм 1:00 сәгатькә кадәр дәвам итәчәк.

Исегезгә төшерәбез, 21 май көнне Болгарда «Изге Болгар җыены» үтәчәк. Аның кысаларында әзерләнгән мәдәни программада: концерт, Җәмигъ мәчете каршындагы мәйданда өйлә намазы, Татарстан Республикасы халык сәнгать һөнәрләре осталары эшләнмәләре күргәзмәсе, билбау көрәше буенча турнир, мастер-класслар һ. б. оештырыла.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: