Алабуга нуры

Татарстанда авыр яшүсмерләр өчен остазлык проектының икенче агымы старт ала

Проектны тормышка ашыру өчен остазлар туплау игълан ителде.

Татарстанда агымдагы елның ноябрь аенда балигъ булмаганнар эшләре буенча исәптә торучы яшүсмерләр өчен «Свои» проектының икенче агымы старт ала.

Проектны тормышка ашыру өчен остазлар туплау игълан ителде. Остаз булып 21 яшькә кадәр теләге булган һәркем кабул ителә. Татарстан Яшьләр эшләре буенча министр урынбасары Алла Кондратьева хәбәр иткәнчә, моның өчен Форпост үзәгенә социаль челтәрләрдә язарга кирәк.

Проект яшүсмерләр арасында җинаятьчелекне киметүгә юнәлтелгән. Беренче агымда 60 бала һәм 30 остаз катнашты. 

Яшүсмерләр «Краски жизни» фестивалендә, «Рубеж-Десантник» лагерендә, 1918 һәм 1944 еллар реконструкцияләрендә, Спартакиадада катнашты. Моннан тыш, җәйгә автосервис һәм фермага эшкә дә урнашты. 

Проект үз нәтиҗәләрен дә бирде. Күп кенә яшүсмерләр ПДН хисабыннан төшерелде.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: