Алабуга нуры

Татарстанда мәктәп укучыларына 10 мең сум акча түләнә башлады

Гаризалар октябрь ахырына кадәр кабул ителәчәк.

Россия Президенты Владимир Путин инициативасы буенча мәктәп укучылары өчен бер тапкыр бирелә торган пособиене Татарстанда 484 меңнән артык гаилә алган инде. 

10 мең сумлык түләүгә республиканың барлыгы 563 мең кешесе дәгъва итә, дип хәбәр итә РФ Пенсия фондының ТР буенча бүлеге.

Түләү бүгенге көннән башланды. Аңа Россиянең 2021 елның 1 сентябреннән алты яшь тулган барлык мәктәп укучылары, 2 июльгә кадәр 18 яшь тулмаган яшүсмерләр, шулай ук мәктәп программасы буенча укуларын дәвам итүче 18-23 яшьлек мөмкинлекләре чикле затлар дәгъва итә ала. 

«Гаризалар октябрь ахырына кадәр кабул ителәчәк», — дип искәрттеләр фондның матбугат хезмәтендә.
Чыганак: Татар-информ

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: