Алабуга нуры

Татарстанда соңгы тәүлектә 176 кеше COVID-19 йоктырган

Алабугада кичә 4 кешенең коронавирус йоктыруы теркәлгән.

Яңа вирус йоктырган 40 кеше хастаханәгә озатылган, 136 кеше өйдә дәвалана.

Казанда — 68, Чистайда — 27, Чаллыда — 26, Зәй һәм Саба районнарында — 6, Әлмәттә — 5, Биектау, Алабуга, Түбән Кама, Нурлат районнарында — 4шәр, Аксубай, Питрәч һәм Тукай районнарында — өчешәр, Чүпрәле һәм Лениногорскта — 2шәр, Бөгелмә, Буа, Яшел Үзән, Лаеш, Минзәлә, Мөслим, Тәтеш, Теләче һәм Чирмешән районнарында берешәр кеше йоктырган.

26 октябрьгә алынган мәгълүматлар буенча, Татарстанда барлыгы COVID-19 белән авыруның 29 883 очрагы теркәлгән.

Пандемия башланганнан бирле коронавирус инфекциясе йоктырган 24 748 кеше савыккан. Узган тәүлектә — 112 кеше.

Барлыгы 1 441 976 кешегә прививка ясалган. Шулардан 1 010 598 кеше прививканың икенче дозасын ясаткан. 

Фото: pixabay.com

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: