Алабуга нуры

Васил Шәйхразиев: Гаилә советы безнең өчен иң мөһиме

Аның әйтүенчә, милләт турында алдан сөйләшү булмаса, аңлашылмаучанлыклар килеп чыгарга мөмкин.

Милли шура рәисе Васил Шәйхразиев җанисәп алдыннан гаилә советында утырып сөйләшергә кирәклеген әйтте. Бу хакта «Татар-информ» мәгълүмат агентлыгы яза.
«Гаилә советы безнең өчен иң мөһиме. Без һәр гаиләгә барып җитәргә тиеш. Үз вакыты җитеп, бөтенебез авыз тутырып татарча сөйләр. Кайберләребез рухлары, нәселләре буенча татар булып та, телне белмәскә мөмкин, ләкин без аларга татар булып калганнары өчен бик рәхмәтле» — диде Васил Шәйхразиев Милли шура утырышында.
Аның сүзләренчә, җанисәпнең электрон вариантында гаиләнең бер кешесеннән генә дә барлык гаилә әгъзаларын яздыру рөхсәт. Әйтик, ире я хатыны өйдә булмаганда да, яздыручы килеп, гаиләнең бөтен әгъзалары турында мәгълүмат туплап китәргә мөмкин. Милләт турында алдан сөйләшү булмаса, аңлашылмаучанлыклар да чыгарга мөмкин.
Ул яздыручы килеп, электрон вариантта тутыруга караганда, Дәүләт хезмәтләре порталында анкета тутырып үзең җибәрү яхшырак, уңайлырак булуын әйтте.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: