2020 елда Татарстанда 3 миллион квадрат метр торак төзеләчәк

Татарстанда 2020 ел ахырына 3 миллион квадрат метр торак файдалануга тапшырылачак. Хәзерге вакытта бу төзелеш тармагының төп максаты. Андрей Кузьмин белән әңгәмә барышында ТР Төзелеш, архитектура һәм торак-коммуналь хуҗалык министры Фәрит Хәнифов әнә шундый фикер белән уртаклашкан. 
Ул билгеләп үткәнчә, 2020 елда 2 миллион 979 мең квадрат метр торак тапшыру бурычы тора. Һәм бу максат үтәлә. 
«Татарстан Республикасы буенча 5 ел дәвамында 3 миллион 600 мең квадрат метр торак төзү максаты куелды. Бу без эшләргә күнеккән саннарга караганда бер ярым тапкырга күбрәк», — дип билгеләп үткән ул.
ТР Төзелеш, архитектура һәм торак-коммуналь хуҗалык министры Фәрит Хәнифов белән әңгәмәне Sntat газетасында укыгыз. Видеоверсияне «Татар-информ» мәгълүмат агентлыгы YouTube каналында күрергә мөмкин булачак. 
Әңгәмәнең телевизион вариантын тамашачылар бүген 18 сәгать 30 минутта һәм якшәмбе көнне 13 сәгать 30 минутта «Татарстан 24» телеканалында карый алачак.