2025 елда Ураза һәм Корбан бәйрәмнәрен үткәрү көннәре билгеле булды

Татарстан Рәисе Рөстәм Миңнеханов быел Ураза һәм Корбан бәйрәмнәрен үткәрү даталарын раслады. Республика җитәкчесе тиешле указга кул куйды.

Аерым алганда, «ай календаре һәм традицияләр нигезендә» Ураза бәйрәме 30 мартта башланачак.

Мөселманнар, үз чиратында, Корбан бәйрәмен 6 июньдә үткәрәчәкләр, диелгән документта.

Быел алтынчы июнь җомга көненә туры килә, шуңа күрә ул ял көне булачак. 2025 елның 30 марты якшәмбегә туры килә. Шунлыктан ял көннәре белән туры килгән республика бәйрәм көннәре үзгәртелергә тиеш түгел.