Алабуга гомумшәһәр планеркасында спортчыларны бүләкләделәр

Бүген гомумшәһәр планеркасы спортчыларны бүләкләү белән башланып китте. Лаеклы бүләкләрне Мәҗитов Әмин, Губаева Мәдинә һәм «Лесные пчелы» хоккей командасы алды.

Мәҗитов Әмин Санкт-Петербургта узган «Балтыйк диңгезе Кубогы» халыкара көрәш сәнгате фестивалендә тхэквондо буенча Бөтенроссия спорт ярышларында 1 урын яулады. Спортчыны ярышларга атказанган хезмәткәр Ринат Сәлимуллин әзерләгән. 

Губаева Мәдинә СССРның спорт мастеры Шишкин Илдус Иван улы истәлегенә багышланган 62 килограммга кадәр авырлыктагы егет-кызлар арасында ирекле көрәш буенча ТР Беренчелегендә 1 урынны яулады. Спортчының тренеры — Арсланов Хатип Мансурович.
«Лесные пчелы» командасы «Алтын алка» клубының Бөтенроссия финал ярышларында 3 нче урынны яулады. Команданың капитаны — Якупов Альберт, тренеры — Александр Герасимов.