Алабуга җитәкчеләре балаларның хыялларын үти

Алабуга районы хакимиятендә куелган чыршыга аз тәэмин ителгән гаиләләрдәге балаларның Яңа ел теләкләре язылган открыткалар эленгән. 
Теләге булган һәркем теләсә нинди открытканы ала һәм баланың хыялын тормышка ашыра ала. 

Әйтик, район башкарма комитеты җитәкчесе Ленар Нургаянов ике открытка алган. Ә район башкарма комитеты җитәкчесенең икътисади үсеш буенча урынбасары Руслан Мусаев, открытка алып, баланың теләген үтәргә тели. Аларга кайбер төзелеш компанияләре җитәкчеләре дә кушылды.