Алабуга командасы ГТО фестивалендә җиңү яулады

2 октябрьдә Алабуга шәһәренең җиңел атлетика манежында «Хезмәткә һәм оборонага әзер» (ГТО) Бөтенроссия физкультура-спорт комплексы җәйге фестиваленең II (зона) этабы узды. Тест программасына чыдамлыкка, сыгылмалылыкка, көч гимнастикасына һәм ыргытуга нормативлар керде.

Зона этабында Алабуга, Менделеевск, Әгерҗе һәм Мамадыш районнары командалары катнашты.

Ярыш нәтиҗәләре буенча Алабуга районы командасы 1нче урында. 2нче басыкчта — Әгерҗе, 3нчедә — Менделеевск районнары командалары. 

Шәхси зачетта үз яшьләрендә иң яхшы нәтиҗәләр күрсәткән катнашучылар дипломнар белән бүләкләнде.