Алабуга медицина училищесы студентлары «Авылга игелек белән» бөтенроссия проектына кушылды

Алабуга медицина училищесы студентлары иреклеләрнең «Авылга игелек белән» («Добро в село») бөтенроссия проектына кушылды.

Проект кысаларында студентлар Алабуга районының авыл ФАПларына ярдәм итә. Булачак медиклар Танайка табиб амбулаториясендә, Олы Качка һәм Колосовка фельдшер-акушерлык пунктларында булды.

Студентлар авыруларны һәм аларның барлыкка килү куркынычын ачыклау максатыннан халыкка медицина консультациясе һәм диагностика үткәрде. Моннан тыш, ФАП территорияләрен төзекләндерүдә дә ярдәм итте.