Алабуга Җәмигъ мәчетендә республикакүләм «РамАЗАН» бәйгесенең сайлау этабы үтте

17 апрель көнне Җәмигъ мәчетендә республика күләм «РамАЗАН» бәйгесенең сайлау этабы үтте. Бу хакта Алабуга районы мөхтәсибәтенең рәсми төркемендә хәбәр итәләр. 

Конкурста барлыгы 23 кеше катнашты. Аларны яшь буенча 2 төркемгә бүлделәр. 

Жюри мөәззиннәрнең моңлы тавышына, хатасыз әйтелешкә, тышкы кыяфәткә игътибар бирде. 

Ир-атлар арасында 1нче урынны Нәфис Хәсәнов алды, Сөбхетдин Лоиков — икенче урында, Усман Абдуллаев — өченчедә. 

Балалар арасында Абдуссаләм Абдуллаев беренче урында, икенчедә — Ямин Хәйдәров, Мөхәммәд Дәүләтшин өченче урында.