Алабуга полициясендә атна эчендә төрле дәрәҗәдәге җинаятьләр турында 272 хәбәр кабул ителгән

Узган атнада кизү бүлегенә төрле дәрәҗәдәге җинаятьләр турында 272 хәбәр килгән.

Уртача һәм зур булмаган авырлыктагы җинаятьләр:
— Чит милекне урлауның 3 очрагы теркәлгән. Шәһәр кибетләрендә теркәлгән ике урлау факты әлегә кадәр ачыкланмаган. Караклар тарафыннан 30 мең сумлык зыян китерелгән. 
— 2 мошенниклык очрагы. Беренчесендә, 24 яшьлек ханым, мошенникларның күрсәтмәләрен үтәп, күрсәтелгән счетларга 113 мең сум акча күчергән. Икенче очракта Алабугада яшәүче 43 яшьлек ханым, түләүсез белдерүләр сайтында синтезатор алам дип, 24 мең сум күләмендә акчасыннан колак каккан.