Алабуга районы башлыгы Рөстәм Нуриев язгы кыр эшләренең барышы белән танышты

Бу атнада Рөстәм Нуриев районның авыл хуҗалыкларында булып кайтты. Ул язгы кыр эшләренең барышы белән танышты.
− «Яңа Юраш» агрофирмасында куандырдылар, басуларда тәртип. Райондагы иң зур чәчүлек мәйданнары бу — язгы чәчү биредә 7 мең гектардан артык тәшкил итә. Ничек кишер чәчкәннәрен беренче тапкыр «Нократ таңнары» агрофирмасында күрдем, − дип язган район башлыгы үзенең «Инстаграм»ында.
2021 елда барлык чәчүлекләр мәйданы 37 мең 640 гектар тәшкил итәчәк. Шәһәр киңәшмәсендә районның Авыл хуҗалыгы һәм азык-төлек идарәсе башлыгы Илгиз Салихов хәбәр иткәнчә, «Башак» авыл хуҗалыгы кооперативы һәм «Яшь көч» агрофирмасы чәчү эшләрен уңышлы тәмамлаганнар.