Алабуга районында алдагы көнне елгага егылып төшкән баланың гәүдәсен таптылар

Алабуга районында югалган 7 яшьлек малайның мәетен таптылар. Бу хакта Россия гадәттән тыш хәлләр министрлыгының ТР буенча Баш идарәсе матбугат хезмәте хәбәр итә.

Бала гәүдәсе бүген иртәнге сәгать 7дә табылган. Аны 5 нче ЗПСО коткаручылары һәм Liza Alert волонтерлары Юраш елгасы яры буенда, баланың югалган җиреннән километр ярым ераклыкта тапканнар. 

Баланың гәүдәсен хокук сакчыларына тапшырганнар. Эзләүдә 61 кеше катнашкан.