Алабуга районында язгы ташуга бәйле вәзгыять тотрыклы

Алабуга районында язгы ташуга бәйле вәзгыять тотрыклы һәм контрольдә тотыла. Бу хакта ТР Гадәттән тыш хәлләр министрлыгының Алабуга районы буенча идарәсе башлыгы Николай Доронин хәбәр итте. 

Быел сулыкларда боз шартлату эшләре үткәрелмәгән. Тойма, Анзирка елгаларында су дәрәҗәсе артмаган. Торак йортларда да су басулар юк.
Язгы ташуның торышын һәм үсешен күзәтү өчен Анзирка (Яковлево авылы янында), Тойма (Поспелово авылы), Кама (причал янында) елгаларында 3 пост оештырылды.