Алабуга районында үз штрафлары турында «оныткан» 300ләп граждан ачыкланган

Алабуга дәүләт автоинспекторлары даими рәвештә рейдлар үткәрә һәм законда каралган срокта штрафларын түләмәгән машина йөртүчеләрне ачыклый. 
Агымдагы елның гыйнварыннан Алабуга районда үз штрафлары турында «оныткан» 300ләп граждан ачыкланган. Исегезгә төшерәбез, ике ай эчендә аларны түләмәсәң, полиция хезмәткәрләре РФ КоАП 20.25 статьясы буенча беркетмә төзергә хокуклы. Әлеге маддә түләнмәгән административ штраф суммасыннан икеләтә күләмдә административ штраф салуны яки 15 тәүлеккә кулга алуны һәм мәҗбүри эшләрне күздә тота. Дәүләт автоинспекторлары билгеләп үткәнчә, җәза чарасы сыйфатында ешрак икеләтә күләмдә штраф түләтү билгеләнә.
фото: pixabay.com