Алабуга шәһәре һәм районы имам-мөхтәсибе Хәлим хәзрәт Шәмсетдинов алабугалыларны Ураза бәйрәме белән котлый

Бисмилләхир-рахмәәниррахиим!
Мөхтәрәм дин кардәшләребез, алабугалылар!
Сезне Алабуга шәһәре һәм районы мөхтәсибәте һәм, шәхсән үз исемемнән Ураза бәйрәме белән ихлас күңелдән котлыйм.
Изге Рамазан-шәриф аенда тоткан уразаларыбызны, кылган догаларыбызны, игелекле гамәлләребезне Аллаһы Тәгалә кабул итеп, ил-көннәребезгә иминлек, тормышыбызга бәрәкәт насыйп итсә иде. Аллаһ исемен зикер итеп, күңелләребез белән бары Коръәнгә, иманга ашкынып үткән Рамазан ае савапларын күрергә язсын. Киләсе Рамазан айларын да исән-имин килеш каршы алырга насыйп итсә иде!