Алабугада 22 июльдә «Чебурашка» паркында дизайн-маркет узачак

«Лето вместе» проекты кысаларында 22 июльдә «Чебурашка» паркында дизайн-маркет узачак.

Алабугалылар өс һәм аяк киеме, китаплар, савыт-саба, уенчыклар, бизәнү әйберләре һәм аксессуарлар, интерьер әйберләре, хобби өчен материаллар, техника, чәчәкләр китерә ала. Аларны сатарга яки бушлай бирергә мөмкин. Иң мөһиме әйберләр төзек һәм чиста булсын.

Шулай ук үз продукциясе яки мастер-класслары белән хенд-мейд осталары һәм һөнәрчеләре чакырыла.

Чара 17.00 сәгатьтә башлана, катнашу бушлай.