Алабугада 6 кешегә урамда спиртлы эчемлекләр кулланган өчен штраф салынган

Алабугада атна эчендә 270 кешегә административ беркетмә төзелгән. Мондый мәгълүматны полициянең җирле бүлекчәсендә китерделәр.

Бер атна эчендә 270 кешегә административ беркетмә төзелгән:
— вак хулиганлык кылган өчен — 4 кеше;
— административ штрафны вакытында түләмәгән өчен 9 кеше җавап бирәчәк;
— урамнарда һәм җәмәгать урыннарында спиртлы эчемлекләр кулланган өчен 6 кешегә беркетмә төзелгән;
— төнлә гражданнарның тынычлыгын бозган өчен 1 алабугалы җавап бирәчәк;
— административ күзәтчелекне бозган өчен 13 беркетмә төзелде;
— 4 кеше полиция хезмәткәрләрен ялганлап чакырган өчен җавапка тартылган;
— 207 машина йөртүче юл хәрәкәте кагыйдәләрен бозган өчен административ җаваплылыкка тартылган, шуларның 8е исерек хәлдә автотранспорт белән идарә иткән өчен тоткарланган.