Алабугада 8 бала коронавирус йоктырган

Алабуга районында гыйнвар аенда коронавирус белән авыруның 65 яңа очрагы ачыкланган. Алабуга район үзәк хастаханәсендә билгеләп үткәнчә, инфекция белән төрле яшьтәге кешеләр авырый. Йоктыручылар арасында мәктәпкәчә һәм мәктәп яшендәге 8 бала бар. 

Пандемия чорында барлыгы 533 зарарлану очрагы теркәлгән. Мондый мәгълүматны Алабуга Роспотребнадзорында бирделәр. Шулай ук грипп һәм ОРВИ белән авыручылар саны да арта.