Алабугада атна эчендә 1500 кубометр кар чыгарылган

Алабугада ел башыннан бирле 11300 кубометр кар чыгарылган. Бу хакта төзекләндерү һәм яшелләндерү идарәсендә хәбәр итәләр. Соңгы атнада бу сан 1500 кубометр тәшкил итте. 

Шуны билгеләп үтәргә кирәк, Алабугада кар чистартуда предприятиеләр дә ярдәм күрсәтә. 

«Февраль аенда шәһәр оешмалары ярдәме белән 2700 кубометр кар чыгарылды. Бу — МТЗ, Алабуга керамикасы, ЕПТС, Автотехникс, БРУС, Таграз, Нефтегаз, СК Барс, УК «Танайка», «Жилкомфортсервис», «Домуправ-3», — дип хәбәр иттеләр төзекләндерү һәм яшелләндерү идарәсендә.