Алабугада атна эчендә 5 караклык очрагы теркәлгән

Алабугада бер атна эчендә 5 караклык очрагы теркәлгән, аларның икесе әлегә кадәр ачылмаган. Бу турыда полициянең җирле бүлекчәсендә хәбәр итәләр. 

Кибеттән 7 мең сумнан артык бәягә товар урлауның 3 очрагы ачыкланган. 41 яшьлек кеше тоткарланган. 

Бер бакча участогыннан милек урлау һәм 60 яшьлек пенсионерның шәхси йорты янында урнашкан ярдәмче бинадан милекне урлау ачыкланмаган булып кала. Китерелгән зыянның гомуми суммасы 40 мең сумнан артык.