Алабугада бер атна эчендә 230 куб чүп-чар чыгарылды

Бер атна эчендә санитар икеайлык кысаларында чәршәмбе һәм шимбә өмәләрендә 1900 дән артык алабугалы катнашты. Бу — предприятиеләр, оешмалар, учреждениеләр һәм сәүдә вәкилләре. Бу вакыт эчендә 230 кубтан артык чүп чыгарылды.

Предприятиеләр, оешмалар, учреждениеләр һәм сәүдә объектлары төзекләндерүгә кагылышлы бирелгән кисәтүләрне бетерде. 20 һәм 22 апрельдә башкарма комитет, муниципаль контроль бүлеге һәм сәүдә бүлеге шәһәрне карап чыкты һәм яңа кисәтүләр ачыклады. Аларны тиздән бетерәчәкләр.

27 апрельдә Россия күләмендә шимбә өмәсе узачак. Безнең шәһәрдә өмә беренче чиратта агачларны һәм бордюрларны буяуга багышлана.

«Алда — көтеп алынган 1 Май һәм Җиңү бәйрәмнәре. Әйдәгез, аларны матур, чиста, уңайлы шәһәрдә һәм авылларда каршы алыйк, ә моның өчен барыбызга бергә чыгып, җыештырырга кирәк», — дип чакыра шәһәр хакимияте.