Алабугада Борис Березовский фестиваленең беренче көнендә лазерлы шоу күрсәтәчәкләр

Борис Березовский фестиваленең беренче көнендә лазерлы шоу оештырыла. Бу хакта Алабуга дәүләт музей-ядкарьлегенең матбугат хезмәте хәбәр итә. Шоуны MSSA техник төркеме тәкъдим итә. Әлегә чараның барлык нечкәлекләре дә хәбәр ителми, тик оештыручылар бу тамашаның музыкаль форум бизәге булырына ышана. 

Исегезгә төшерәбез, «Алабугада җәйге кичләр» фестивале 14-17 июньдә узачак. Һәр көн аерым тематика буенча оештырыла. 

• 14 июль — Фестивальне ачу. И.И. Шишкинга багышланган концерт, лазерлы шоу
• 15 июль — М.И. Цветаевага багышланган концерт
• 16 июль — «Музыкаль картиналар» концерты
• 17 июль — «Gala-folk-fest» концерты; М. И. Цветаева әдәби премиясен тапшыру.