Алабугада булачак праймеризда катнашучыларның халык белән очрашулары башланды

Чара Алабуга районы башлыгы Рөстәм Нуриевның сәламләве белән башланып китте, ул чараның мөһимлеген ассызыклады.

— Әлеге очрашу нәтиҗәләре буенча халык программасы формалаштырылачак һәм алабугалыларның һәркайсы аның автордашы булачак, районыбызның да, республиканың да проблемаларын хәл итүдә ярдәм итәчәк. Алдан тавыш бирүләр РФ Дәүләт Думасына "Бердәм Россия«не тәкъдим итәчәк алты кандидат исемлеген формалаштырырга мөмкинлек бирәчәк. Шунысын да билгеләп үтәсем килә, соңгы ике ел дәвамында Алабугада һәм Алабуга районында бу партия тарафыннан Алабугада бик күп әһәмиятле социаль проектлар гамәлгә ашырылды. Бүгенге чара шулай ук зур планнарны тормышка ашырырга ярдәм итәчәк, — диде ул.
Шуннан соң микрофон булачак «Бердәм Россия» праймеризында катнашучыларга күчте. Кандидатлар — РФ Дәүләт Думасы депутаты Марат Бариев, ТР Дәүләт Советы депутаты Илья Вольфсон, «АПМ — Инжиниринг» ҖЧҖ генераль директоры Әсхәт Гарифуллин, ТР Дәүләт Советы депутаты Геннадий Глушков, Түбән Кама районы башлыгы Айдар Метшин, РФ Дәүләт Думасы депутаты Фатыйх Сибәгатуллин — үзләрен барыннан да бигрәк борчыган һәм нәрсәгә аеруча игътибар итәргә теләгән мизгелләрне кыскача сөйләделәр. Алабуга халкы исә аларга җавап итеп үз сорауларын бирә, кандидатларга наказ калдыра ала.
Мәгариф идарәсе җитәкчесе Елена Терентьева Марат Бариевка мәктәпләрдә логопед-укытучылар булмау проблемасын җиткерде. Элек педагог-психологлар белән бәйле проблема бар иде, «Бердәм Россия» ярдәмендә ул хәл ителде. Хәзер үк логопед ставкаларын кертү зарур.
Марат Мансурович билгеләп үткәнчә, бу мөһим мәсьәлә республика һәм федераль дәрәҗәләрдә бер генә тапкыр күтәрелмәде.
— Әлбәттә, балаларны өйрәтергә, булган җитешсезлекләрне бетерү өчен алар белән шөгыльләнергә кирәк. Хәзерге вакытта Мәгариф комитеты Мәгариф министрлыгы белән берлектә әлеге мәсьәләне актив өйрәнә. Карар уңай булыр дип өметләнәм, − диде ул.
Алабуга дәүләт музей-ядкарьлеге генераль директорының фәнни эшчәнлек буенча урынбасары Александр Деготьков Илья Вольфсонга күп фатирлы йортларны һәм мәдәни мирас объектларын капиталь ремонтлау буенча республика яки федераль дәрәҗәдә аерым программа эшләүне сорап мөрәҗәгать итте.
Кандидат бу идеяне хуплады, чөнки төзелеш өлкәсендә эшләгәндә, әлеге проблема белән шәхсән очраша. Бу мәсьәләне хәл итү өстендә эш алып барылачак.
Шулай ук алабугалылар студентлар өчен ташламалы юл йөрү, эшмәкәрләргә һәм ТКХ өлкәсенә ярдәм итү мәсьәләсен дә күтәрделәр.
РФ Дәүләт Думасына сайлауларда «Бердәм Россия» праймеризы 24-29 май көннәрендә онлайн-форматта, ә 30 майда сайлау участокларында узачак.
Алдан тавыш бирү ачык модель буенча узачак, анда республиканың һәр кешесе катнаша ала.
Очрашу барышында «Безнең ишегалды» һәм иҗтимагый киңлекләрне үстерү программаларын гамәлгә ашыру турында аерым фикер алыштылар.
Исегезгә төшерәбез «Безнең ишегалды» программасы «Бердәм Россия» партиясе тарафыннан башлап җибәрелде һәм Татарстан Президенты Рөстәм Миңнеханов тарафыннан хупланды. Программа ишегалларын комплекслы төзекләндерүне күздә тота, ул мәҗбүри эшләрнең билгеле бер исемлегеннән тора. Төзекләндерү йортта яшәүчеләрнең фикерен исәпкә алып башкарыла. Катлаулы икътисади ситуациягә карамастан, программага кергән барлык ишегаллары 2024 ел ахырына кадәр яңартылачак.
2015 елдан башлап Татарстанда шулай ук җәмәгать киңлекләрен төзекләндерү программасы гамәлгә ашырыла. Биш ел эчендә 443 иҗтимагый киңлек төзекләндерелде. Безнең парклар һәм скверлар — бөтен Россия өчен үрнәк. Татарстанлылар проектларны эшләүдә актив катнашалар, идеяләр, яңа инициативалар тәкъдим итәләр. Татарстанда яшәүче һәр кеше үзгәрешләргә ия булачак территория өчен тавыш бирә ала. Моны ТР Дәүләт хезмәтләре сайтында эшләргә мөмкин. 26 апрельдән парклар һәм ишегаллары өчен тавыш бирү башлана. Иң күп тавыш җыйган территорияләр иң беренче булып киләсе елга төзекләндерү программасына керәчәк.
Икътисад, социаль өлкә, фән һәм спортны үстерү буенча масштаблы максатларны гамәлгә ашыру өчен бүген 13 илкүләм проект тормышка ашырыла. Республика районнарында һәм шәһәрләрендә яңа социаль учреждениеләр, юллар, спорт мәйданчыклары, мәктәпләр төзелә. Республика районнарында һәм шәһәрләрендә яңа социаль учреждениеләр, юллар, спорт мәйданчыклары, мәктәпләр төзелә.
Очрашу барышында шәһәр халкы актив рәвештә сораулар бирде, "Бердәм Россия"нең башлангыч тавыш бирүдә катнашучыларның чыгышлары турында фикер алышты. Мондый чаралар республиканың башка районнарында да узачак.