Алабугада чыршы базарлары Яңа елга кадәр эшләячәк

Алабугада чыршы базарлары эшли башлады. Наратлар үзәк базар янында 12нче микрорайонда һәм 37нче кибет янында барлыкка килде.

Чыршы сатучылар сүзләренчә, бәяләр 300 сумнан 1000 сумга кадәр үзгәреп тора. Наратлар Морт питомнигыннан кайтарылган. Чыршы да сатылачак. Бәясе яңа ел гүзәленең биеклегенә һәм купшылыгына бәйле.

Шулай ук ылыслы агачларга подставкалар да сатып алырга мөмкин. Аларның бәясе быел 300 сумнан башлана. 

Чыршы базарлары Яңа елга кадәр иртәнге 9дан кичке 9га кадәр эшләячәк.