Алабугада декрет ялында утыручы әниләр яңа һөнәр өйрәнә

Мәсәлән, 45 яшь әни чәчтараш һәм маникюр остасы булырга укый, тагын 15 әни хисапчы һөнәрен үзләштерүгә кереште. Курслар тәмамлаганнан соң, алар барысы да таныклык алачак.
«Бездә укыту-өйрәтү хезмәт базарында сорау зур булган һөнәрләр буенча алып барыла. Мисалга, 2012 елдан 2014 елга кадәр бәләкәчләренә өч яшь тулганчы аларны карау буенча ялда утыручы 243 хатын-кыз яңа һөнәр өйрәнүгә җибәрелгән иде. Ул чакта яшь әниләр хисапчы, менеджер, тегүче һөнәрләре үзләштерде, "батик", "смета эше" курслары узды һәм башка һөнәрләр дә сайлый алды",- дип сөйләде халыкны мәшгульле итү үзәге директоры Юлия Демина.