Алабугада ел башыннан 276 исерек йөртүче тоткарланган

Ел башыннан Алабугада исереклек билгеләре булган 276 машина йөртүче тоткарланган. Бу хакта җирле ЮХИДИ идарәсендә хәбәр иттеләр. 

Шуларның 42се исерек килеш руль артына кабаттан утырган. Барлык бозучыларга карата административ беркетмәләр төзелгән. 

Алабуга Дәүләт автоинспекциясе юл хәрәкәтендә катнашучыларны игътибарлы һәм уяу булырга чакыра. Шулай ук исерек йөртүчеләр турында мәгълүматны кичекмәстән полициягә хәбәр итәргә кирәк.