Алабугада идарәче компанияләрнең финанс эшчәнлеген ачачаклар.

Алабуга районы җитәкчелеге инициативасы буенча Яков Геллер залга җыелган алабугалылар һәм тамашачылар алдында чыгыш ясаячак. Ул идарәче компания исәбенә керүче халык акчаларының ничек сарыф ителүен күзәтү алымнарына өйрәтәчәк.

Агентлыкның идарәче компанияләр эше турындагы тәүге лекциясен Алабуга халкы беренчеләрдән булып ишетәчәк.

Лекция бүген 19 сәгатьтә хакимиятнең зур залында үтәчәк. Район башлыгы кушуы буенча ул "Алабуга" телеканалында туры эфирда трансляцияләнер дип көтелә.