Алабугада Җиңү көненә 600 порция солдат боткасы пешергәннәр

Алабугалыларны Җиңү көнен бәйрәм итүдә тушенкалы солдат боткасы белән сыйладылар. Барлыгы 600 порция ботка пешерелгән. Аны мәгариф идарәсе хезмәткәрләре әзерләгән. Шулай ук алабугалыларга ботка янына баллы чәй һәм ипи тәкъдим ителә. 

Мәгариф идарәсенең баш белгече Лилия Сафина сөйләгәнчә, алабугалылар солдат боткасы белән бик теләп сыйлана. Ботка рецепты гади: карабодай, тушенка, суган, кишер һәм мәхәббәт, ди Лилия.