Алабугада кичә җәяүлене бәрдергәннәр

Кичә Алабугада җәяүлене машина бәрдергән. 19.07 дә Интернациональ урамындагы 3 нче йорт янында Лада Гранта автомобиленең 33 яшьлек йөртүчесе җәяүлене махсус кичүдән үткәрми һәм 49 яшьлек хатын-кызны бәрдерә.

Зыян күрүче светофорның рөхсәт ителгән билгесенә махсус җәяүлеләр урыныннан юл аркылы чыга. 

Юл-транспорт һәлакәте нәтиҗәсендә җәяүлене хастаханәгә озаталар. Медиклар хатын-кызда җилкә сөякләренең сынуын ачыклый.