Алабугада кичке рейд барышында 21 хокук бозу очрагы ачыкланган

Узган җомгада Алабуганың дәүләт автоинспекторлары «Тоннель» рейды үткәрде. Нефтьчеләр проспектында үткән тикшерү нәтиҗәсендә 21 хокук бозу очрагы ачыкланган. Хокук бозулар түбәндәгечә: 

• куркынычсызлык каешын эләктермәү — 6 очрак, 
• транспорт чараларының техник җитешсезлекләре — 5 очрак,
• укып булмый торган дәүләт номерлары өчен — 2 очрак, 
• страховка — 8 очрак.

Дәүләт автоинспекторлары алабугалыларны юл хәрәкәте кагыйдәләрен тайпылышсыз үтәргә һәм руль артында игътибарлы булырга өнди.