Алабугада кичке рейд барышында 14 машина йөртүчене тоткарлаганнар

Кичә кич дәүләт автоинспекторлары Нефтьчеләр проспектында транспорт чараларын тикшерде. Рейд 18.30дан 22.00гә кадәр барды. 

Операция барышында 14 хокук бозучы ачыкланган. Шулай итеп, 7 йөртүченең страховкасы булмаган. 2 транспорт чарасында техник яктан төзексезлек ачыкланган. Бер машина йөртүче билгеләнгән тәртиптә теркәлмәгән машина белән идарә иткән, тагын бер йөртүченең теркәлү документлары булмаган. Өч бозу очрагы куркынычсызлык каешлары белән бәйле.