Алабугада коронавирус инфекциясе йоктыруның тагын бер очрагы ачыкланган

Татарстан Республикасында коронавирус инфекциясенең 28 яңа очрагы расланган. Бу хакта ТР буенча COVID-19га каршы көрәш штабы хәбәр итә.
8 кеше хастаханәләргә озатылган, 20 кеше өйдә дәвалана. Авыручыларның төп яшь төркемнәре түбәндәгечә: 18 яшькә кадәр — 1, 18дән 30 яшькә кадәр — 5 очрак, 30дан 50 яшькә кадәр — 11 очрак, 50дән 60 яшькә кадәр — 5 очрак, 60тан 70 яшькә кадәр — 5 очрак, 70тән 80 яшькә кадәр 1 очрак ачыкланган. 
Казанда — 23, Яшел Үзәндә 3 кеше коронавирус йоктырган. Алабуга һәм Менделеевск районнарында берәр очрак теркәлгән. 
17 августка Татарстанда COVID-19 белән авыруның 6103 очрагы теркәлгән. Эпидемия башланганнан бирле коронавирус расланган 4929 кеше савыккан, соңгы тәүлектә — 4 кеше.
фото: pixabay.com