Алабугада коронавируска каршы массакүләм вакцинация дәвам итә

Алабугада бүгенге көндә 165 кеше коронавируска каршы прививка ясаткан. Бу хакта «Алабуга 24» телекомпаниясе үткәргән туры эфирда район үзәк хастаханәсенең табиб-эпидемиологы Азат Гайсин хәбәр итте. 

«Бүген Covid-19дан тагын 120 алабугалы прививка ясата. 700 кеше прививка ясатуга чиратта тора. Шулай ук оешмалардан коллектив гаризалар да бирелде. Исемлектә шулай ук 700 кеше бар. Шулай итеп, көтү битендә прививка ясарга теләүчеләрнең гомуми саны — 1400 кеше. Көнгә 120 кешегә прививка ясарга планлаштырабыз», — дип сөйләде табиб-эпидемиолог. 

Азат Гайсин сүзләренчә, вакцина дозасының яңа партиясе киләсе атнада кайтыр дип көтелә. Барлыгы өч йөзгә якын доза килергә тиеш. 

Бу атнада Алабуга районына 830 доза «Спутник V» вакцинасы кайтты. 

Прививкага алабугалылар 4-41-28 телефоны буенча языла ала.