Алабугада «Кул эшләре җанга сихәт» исемле остаханә үткәрелде

Алабуга балалар үзәк китапханәсендә балалар өчен тамбур җөе белән чигү буенча «Кул эшләре җанга сихәт» исемле остаханә үткәрелде, дип хәбәр итәләр китапхнә хезмәткәрләре. 

«Үткәнен белмәгәннең киләчәге юк», — ди халык мәкале. Ә халык әйтсә, хак әйтә. Шуны истә тотып, халкыбызның үзенчәлекле чигү төрләрен барлауны һәм бүгенге көндә кул эшләре белән танышу мөһим.

Шул уңайдан, 4 апрель көнне балалар үзәк китапханәсендә «Кул эшләре җанга сихәт» исеме астында остаханә үткәрелде. Китапханәче балаларга китаплардагы чигү төрләре, үзенең эшләгән эшләре турында сөйләде. Тамбур җөе белән чигергә өйрәтте.

Балалар остаханәдә чигелгән яулыкларын өйгә алып кайтып китте.