Алабугада «Үлемсез полк» йөреше узды

Бүген Алабугада «Үлемсез полк» йөреше узды.

Катнашучылар Мәдәният сарае янында җыелды. Соңыннан колонна Нефтьчеләр проспекты буенча аска төшеп Мәйданга таба юнәлде. Проспект буена йөрешне алабугалылар каршы алды. 

Йөрештә район башлыгы Рөстәм Нуриев, шәһәр җитәкчелеге, мәктәп укучылары, урта һәм югары уку йорты студентлары, шәһәр халкы катнашты. Кешеләр йөрешне каршы алып, аңа кушылырга ашыкты. Алабугалылар туганнарын искә төшерде, сугыш елы җырларын башкарды.