Алабугада Ленин мәйданын яңа фонарьлар бизәячәк

Ленин мәйданында яңа фонарь баганалары урнаштыралар. «Барс» җәмгыяте директоры Евгений Кубасов хәбәр иткәнчә, биредә урам яктырткычлары реконструкцияләнгән, ватылып беткән торшер рәтенең иске баганалары сүтелгән. Хәзер аларны аларны яңаларына алыштырдылар.

Шулай ук сафтан чыккан кабель линиясе дә алыштырылды. Җитәкче сүзләренчә, барлыгы 65 яңа терәк куелган. Фонарьларның тышкы кыяфәте дә үзгәрде — хәзер ул шәһәрнең тарихи өлешенә туры килә.