Алабугада өмә узачак

Үзләренә беркетелгән территорияләрне кыш буена җыелган чүп-чардан алабугалылар иртәнге 8дән чистарта башлаячак.

3 апрельдә Алабугада шимбә өмәләренә старт биреләчәк. Бу хакта Алабуга районы башкарма комитеты җитәкчесенең инфраструктура үсеше буенча урынбасары вазифаларын башкаручы Роман Гурьев хәбәр итте. 

Шәһәрне чистартуга шәһәр предприятиеләре, оешмалары, учреждениеләре чыгачак. Алабугалылар кыш буена җыелган чүп-чардан шәһәрне иртәнге 8дән чистарта башлаячак.