Алабугада мәдәни үсеш үзәге төзелеше 2022 елда тәмамланачак

2022 ел ахырына Алабугада мәдәни үсеш үзәге төзелеше тәмамланачак. Учреждение заманча җиһазлар, экраннар, музыка инструментлары белән җиһазландырылачак.

2021 ел ахырына кадәр Татарстанда «Мәдәният» илкүләм проекты кысаларында тагын берничә объект төзеләчәк һәм ремонтланачак. Әйтик, Кукмара һәм Минзәлә районнарында − өч яңа мәдәният йорты, Әлмәттә һәм Чаллыда яңа виртуаль концерт заллары барлыкка киләчәк. Бу хакта «Татар-информ» мәгълүмат агентлыгы хәбәр итә.

2021 ел ахырына «Цифрлы мәдәният» төбәк проектын гамәлгә ашыру кысаларында Милли электрон китапханәнең цифрлы басмалары фонды 750 берәмлеккә якын басма белән тулыланачак.