Алабугада һөнәри осталык конкурсы узачак

Бу елның 7-11 февралендә Алабугада «Алабуга-skills» ачык республика һөнәри осталык конкурсы узачак.

Анда Татарстаннан барлыгы 20 номинациядә 600дән артык кеше катнашачак. Конкурс өч мәйданчыкта оештырыла: Алабуга политехник көллиятендә, «Прогресс» автомәктәбендә һәм «Алабуга» махсус икътисади зонасында — «Алабуга — Политех» мәгариф үзәгендә. Анда предприятие һәм учреждение хезмәткәрләре, 18 яшьтән өлкәнрәкләр катнаша ала. Һәр номинация буенча предприятиедән бер кеше генә катнаша.

Конкурста катнашу өчен гаризалар 2022 елның 1 февраленә кадәр konkursalabuga@mail.ru электрон адресына кабул ителә.

Элемтә өчен телефон: 8 (85557) 4-48-95.