Алабугада «Осталар ярминкәсе» ачыла

17 апрельдә сәгать 12.00дә Алабугада Ленин мәйданында тантаналы рәвештә «Осталар ярминкәсе» ачыла. 
Теләге булган һәркемне кул эшләнмәләрен сатып алырга чакыралар. Шәһәрнең социаль учреждениеләре үз товарларын тәкъдим итәчәк. Алар арасында Алабуга балалар йорты, психоневрология интернаты, өлкәннәр һәм инвалидлар интернат-йорты, Алабуга мәдәният һәм сәнгать көллияте бар.
Ярминкәдә «Хезмәт сөючәнлек йорты», «Бәхет йорты», «Зирәклек йорты», «Тәм-томнар йорты», «Сувенирлар йорты» кебек мәйданчыклар эшләр дип көтелә. Алар барлыгы 8 булачак.
Ярминкә дүшәмбедән кала көн саен узачак. Кул эшләнмәләрен сәгать 10.00дән 18.00гә кадәр сатып алырга мөмкин.