Алабугада «Путин чорының 70 төсмере» конкурсында катнашучыларның әсәрләре күргәзмәсе эшли башлаячак

14 марттан Алабуга дәүләт музей-ядкарьлегенең Заманча этносәнгать музеенда «Путин чорының 70 төсмере» конкурсында катнашучыларның әсәрләре күргәзмәсе эшли башлаячак. Күргәзмә Россиянең профессиональ рәссамнарына ярдәм итү максатыннан коллекционер һәм меценат Александр Старых тарафыннан оештырылган.

Проектның максаты — яңа Россиянең күпкырлы булуын, 1998 елдан бүгенге көнгә кадәр үзгәрүен күрсәтү. Безнең ил үсә, һәм аның барлык төсмерләрен җиткерү — рәссамнарның киләчәк буыннар алдындагы бурычы.