Алабугада Росгвардия машинасы катнашында авария булган

3 октябрь көнне 03.10 сәгатьтә Казан урамы киселешендә юл-транспорт вакыйгасы булды, дип хәбәр итәләр Алабуганың ЮХИДИ бүлегендә.

Башлангыч мәгълүматларга караганда, Гассар урамы буенча Нефтьчеләр пр.юнәлешендә хәрәкәт иткән ВАЗ 211440 автомобиле йөртүчесе, икенче дәрәҗәле юлдан чыкканда, төп юлдан килүче транспорт чарасына юл бирми һәм ЛАДА Гранта автомобиленә бәрелә. 

Вакыйга нәтиҗәсендә Алабуга район үзәк хастаханәсенә ВАЗ 211440 машинасының 2003, 2003, 2004 елларда туган йөртүче һәм пассажирлар, ЛАДА Гранта автомобиленең 1997 елгы пассажиры төрле дәрәҗәдәге җәрәхәтләр белән мөрәҗәгать иткән.