Алабугада соңгы тәүлектә 251 кеше коронавируска каршы прививка ясаткан

Алабугада узган тәүлектә коронавируска каршы прививканың беренче компонентын 251 кешегә, икенчесен 157 кешегә ясаганнар. Ревакцинацияне 270 кеше узды. Алабугада һәм районда вакцинаның беренче компонентын барлыгы 35 123 кеше ясаткан, икенчесен — 29 097. 

Исегезгә төшерәбез, Алабугада 4 вакцинация пункты эшли. Шәһәр һәм районда вакцина җитәрлек күләмдә бар. Табиблар алабугалыларны прививка ясатырга чакыра һәм бары тик коллектив иммунитет булдырганда гына бу куркыныч чирне җиңеп буласын искә төшерә.