Алабугада соңгы тәүлектә тагын 1 кеше COVID-19 инфекциясе йоктырган

Татарстанда соңгы тәүлектә короновирус йоктыруның 101 яңа очрагы ачыкланган. Яңа вирус йоктырган 25 кеше хастаханәгә озатылган, 76 кеше өйдә дәвалана. 
Авыручыларның төп яшь төркемнәре түбәндәгечә: 18 яшькә кадәр — 2, 18дән 30 яшькә кадәр — 9, 30дан 50 яшькә кадәр — 27, 50дән 60 яшькә кадәр — 19, 60тан 70 яшькә кадәр — 26, 70тән 80 яшькә кадәр — 9, 80нән 90 яшькә кадәр — 9 очрак ачыкланган.
Казанда — 50, Чаллыда — 12, Түбән Камада — 6, Яшел Үзәндә — 5, Әгерҗедә — 4, Актаныш, Балтач, Югары Ослан, Чүпрәле, Лениногорск, Тукай районнарында — 2шәр, Әлки, Әлмәт, Бөгелмә, Биектау, Алабуга, Зәй, Кайбыч, Кукмара, Лаеш, Мамадыш, Питрәч, Балык Бистәсе районнарында 1шәр кеше йоктырган.
20 декабрьгә алынган мәгьлүматлар буенча, Татарстанда барлыгы COVID-19 белән авыруның 12 174 очрагы теркәлгән. 
Пандемия башланганнан бирле коронавирус инфекциясе йоктырган 10 488 кеше савыккан, узган тәүлектә — 22 кеше.