Алабугада Спас ярминкәсенә транспорт хәрәкәтен чиклиләр

Алабуганың ЮХИДИ бүлеге хәбәр итүенчә, Спас ярминкәсе барган көннәрдә кайбер урамнарда хәрәкәтне чикләячәкләр.

Августның 4еннән 6сына кадәр түбәндәге урамнарда хәрәкәт чикләнә:

— Гассар урамы — Нефтьчеләр проспекты, Казан урамына таба;
— Говоров урамы — Нефтьчеләр проспекты, Казан урамына таба;
— Казан урамы — Спас урамы, Гассар урамына таба;
— Олы Покров урамы — Спас урамы, Яр буе урамы ягына;
— Казан урамы чатыннан башлап Яр буе урамы — Шәһәрлек урамы;
— Яр буе урамы, Шәһәрлек урамыннан Говоров урамы һәм Шишкин урамына кадәр; 
— Шәһәрлек урамы, Нефтьчеләр проспектыннан Казан урамына кадәр;
— Казан урамы, Дурова урамыннан Шәһәрлек урамына кадәр;
— Шәһәрлек урамы буйлап Нефтьчеләр проспектыннан Казан урамына кадәр;
— Казан урамы буйлап Шәһәрлек урамыннан Говоров урамына кадәр.