Алабугада «Спас туташы» конкурсы игълан ителде

Алабугада «Спас туташы» конкурсы игълан ителде. Бәйгедә 14 яшьтән 30 яшькә кадәр булган яшь кызлар катнаша ала. Катнашучыларга сәнгатьнең төрле жанрларында: бию, шигъри һәм вокаль жанрларында сәләтләрен күрсәтү тәкъдим ителә, дип хәбәр итә АМР матбугат хезмәте.

Конкурста катнашу өчен гаризалар 2022 елның 22 июленә кадәр gdk_08@mail.ru электрон почтасына тәкъдим ителгән форма буенча кабул ителә.

Белешмәләр өчен телефон: 8 958-629-20-20.

Сайлап алу туры 2022 елның 29 июлендә 14.00 сәгатьтә шәһәр мәдәният йортының мәрмәр залында узачак.

Конкурс өч этапта үткәрелә:

«Барышня во миру» — катнашучыларга үзләрен күрсәтергә кирәк. Рөхсәт ителгән вакыт 2-3 минут.
«Барышня на пиру» — милли ризык әзерләү. Дегустацияне конкурсның жюри составы үткәрә.
«Барышня на добрых людях» — катнашучы иҗади номер тәкъдим итә. Ярдәм төркемнәрен җәлеп итәргә мөмкин. Рөхсәт ителгән вакыт 3 минут.

Һәр бирем 5 баллы система буенча бәяләнә. Артистлык, сәхнә культурасы, катнашучының сәхнә костюмы, номерның сәнгатьчә-образлы чишелеше һәм оригинальлеге бәяләнә.

Шәһәр конкурсын үткәрү нәтиҗәләре буенча җиңүчегә «Спас туташы-2022» исеме, лауреат дипломы һәм кыйммәтле бүләк тапшырыла.